A.Kuleshov nomidagi Mogilev Davlat Universiteti Belarusiyaning Mogilev shahrida joylashgan yirik mintaqaviy oʻquv va ilmiy markazi hisoblanadi. Universiteti Belarusiyada joylashgan eng qadimgi oliy o'quv yurtlaridan biri hisoblanadi. U 1913-yilda tashkil etilgan bo‘lib, bir asr davomida o‘sib bormoqda, Mogilev ta’lim tizimi, qo‘shni viloyatlar va xorijiy davlatlarni malakali kadrlar bilan ta’minlab kelmoqda. Shu paytga qadar, bu yerda 53 mingdan ortiq mutaxassis ta'lim oldi. Ularning ko‘pchiligi respublikadan tashqarida ham mashhur bo‘ldi. Belorussiyaning birinchi Prezidenti Aleksandr Lukashenkoning so'zlariga ko'ra, universitet bitiruvchilari orasida Sovet Ittifoqi Qahramonlari va Sotsialistik Mehnat Qahramonlari, 300 dan ortiq xizmat ko'rsatgan o'qituvchilar va mamlakat ta'lim tizimining atoqli xodimlari, taniqli olimlar, yozuvchilar, davlat va jamoat arboblari, sport arboblari – Jahon, Yevropa va Olimpiya chempionlari ham mavjud. Bugungi kunda universitet yirik ilmiy, ta’lim va madaniy markaz bo‘lib, turli fan yo‘nalishlari bo‘yicha malakali mutaxassislar va tadqiqotchilarni tayyorlash uchun sifatli zamonaviy ta’lim beradi.

Universitet tarkibiga 7 ta fakultet kiradi:

• Matematika va tabiiy fanlar
• Xorijiy tillar
• Tarix va filologiya
• Pedagogika va bolalik psixologiyasi
• Boshlang'ich va musiqa ta'limi
• Jismoniy ta'lim-tarbiya
• Iqtisodiyot va huquq

Belarus Respublikasi Prezidentining 2020-yil 22-apreldagi 136-sonli “2019-yilgi tanlov g‘oliblarini Respublika Faxriy taxtasiga ilmiy tashkilotlar o‘rtasida kiritish to‘g‘risida”gi qarori bilan A.Kuleshov nomidagi Mogilev davlat universiteti e’tirof etildi va g'oliblardan biri sifatida taqdirlandi. Universitet 10 ta mutaxassislik bo'yicha yuqori malakali aspiranturani ta'minlaydi. 2019-yil yakuni bo‘yicha magistratura talabalari soni 44 nafarni tashkil etdi. Belarus Respublikasi Ta'lim vazirligining 2017 yil 26 iyundagi 447-son buyrug'i bilan universitetda ta'lim doktori dasturini amalga oshirish uchun tarix fanining 07.00.02 "Mahalliy tarix" mutaxassisligi bo'yicha kadrlar tayyorlash boshlandi. Belarus Respublikasi Oliy attestatsiya komissiyasining 02.10.2017 yildagi 206-sonli buyrugʻiga asosan universitetda fan nomzodi ilmiy darajasini olish uchun dissertatsiyalar himoya qilish uchun ruxsat berilgan dissertatsiyalar himoyasi boʻyicha kengash tuzildi.